Türkiyənin iri şirkətlərindən biri Bakıda keçiriləcək “ADEX 2024” sərgisində iştirak edəcək

Simulyatorların hazırlanması ilə məşğul olan böyük Türkiyənin “Simsoft” şirkəti Bakıda keçiriləcək “ADEX 2024” sərgisində iştirak edəcək.

"Report" xəbər verir ki, bu barədə şirkətin "X" sosial şəbəkəsindəki hesabında paylaşım edilib.

“Sizi müdafiə, aviasiya və kosmosa aid simulyasiya oyunları sahəsində innovativ həllərimizi təqdim edəcəyimiz “ADEX 2024” sərgisində "Simsoft" stendini ziyarət etməyə dəvət edirik. Gələcəyin texnologiyalarını araşdırmaq üçün bizə qoşulun”, - paylaşımda bildirilib.

Qeyd edək ki, “ADEX 2024” sentyabrın 24-dən 26-dək Bakıda keçiriləcək.