“TURAZ Şahini - 2018” təlimləri davam edir

Bakı. 13 sentyabr. REPORT.AZ/ “TURAZ Şahini - 2018” birgə taktiki-uçuş təlimlərinin planına əsasən, döyüş təyyarələri verilmiş hündürlükdə marşrut üzrə birgə uçuşlar yerinə yetirib.

Bu barədə "Report"a Müdafiə Nazirliyinin mətbuat xidmətindən məlumat verilib.

Təlimlərin növbəti günündə şərti düşmənin hava hücumundan müdafiə vasitələrinə, yerüstü hədəflərinə zərbələr endirmək üzrə tapşırıqlar yerinə yetirilib, onun qırıcı aviasiyasından yayınma manevrləri icra edilib.