Nazir: “Müdafiə sahəsində Gürcüstan-Azərbaycan-Türkiyə əməkdaşlığı səmərəlidir”

“Gürcüstan, Azərbaycan və Türkiyə arasında müdafiə sahəsində üçtərəfli əməkdaşlıq səmərəlidir, bölgədə təhlükəsizlik və sabitliyə xidmət edir”.

“Report”un yerli bürosu xəbər verir ki, bunu Gürcüstanın müdafiə naziri Cuanşer Burçuladze deyib.

Nazirin sözlərinə görə, Azərbaycan, Türkiyə və Gürcüstan arasında strateji tərəfdaşlıq, etimad və qarşılıqlı hörmətə əsaslanan münasibətlər regionun təhlükəsizliyi, xalqların rifahı və müdafiə qüvvələrinin inkişafı üçün böyük əhəmiyyət daşıyır.

Gürcüstanın Müdafiə Nazirliyinin məlumatına əsasən, ötən gün Kaxeti bölgəsində hər üç ölkənin müdafiə nazirlərinin iştirakı ilə baş tutmuş görüşdə üçtərəfli əməkdaşlığa dair sənəd imzalanıb.