Müdafiə naziri general-polkovnik Zakir Həsənov və Azərbaycanda rəsmi səfərdə olan Belarusun müdafiə naziri general-leytenant Viktor Xrenin bir neçə hərbi hissəni ziyarət ediblər.
Bu barədə "Report"a Müdafiə Nazirliyindən məlumat verilib.
Əvvəlcə qonaqlar hərbi hissənin ərazisində ucaldılmış Azərbaycan xalqının ümummilli lideri Heydər Əliyevin abidəsi önünə gül dəstələri qoyaraq xatirəsini ehtiramla yad edib.
Müdafiə nazirləri hərbi hissənin qərargahında olublar. General-leytenant V.Xrenin burada hərbi hissənin xatirə kitabına ürək sözlərini yazıb.
Sonra nazirlər ərazidəki hərbi infrastruktur, inzibati, xidməti binalar və qurğular, eləcə də əsgər yataqxanası, yeməkxana və hərbi texnika ilə tanış olublar. Onlara şəxsi heyətin döyüş və xidməti vəzifələrini yerinə yetirməsi üçün yaradılan şərait barədə ətraflı məlumat verilib.
![](https://static.report.az/photo/47af1a42-408f-3e97-9cb2-2ee1f1915b89_300.jpg)
![](https://static.report.az/photo/b7dd6b23-5303-3620-90ce-a403ae8242ea_300.jpg)
![](https://static.report.az/photo/ea0f6ead-8b81-3d7c-92a4-87a662e7924e_300.jpg)
![](https://static.report.az/photo/abda9e8d-4a91-354b-9e46-514729c0517e_300.jpg)
![](https://static.report.az/photo/54067bc6-004b-3e44-b69d-225456de8fb3_300.jpg)
![](https://static.report.az/photo/682cd9a9-8b71-328b-ad22-29584e818b5c_300.jpg)
![](https://static.report.az/photo/474e2cdf-f651-386d-8188-3ab7f5a65804_300.jpg)
![](https://static.report.az/photo/da013b08-eb02-3226-9033-e7c542a18805_300.jpg)