Azərbaycan və Türkiyənin müdafiə nazirləri təlimlərdə silahlara baxış keçiriblər

Türkiyənin Qars şəhərində keçirilən “Qış təlimi-2021” təlimlərini izləyən Türkiyənin milli müdafiə naziri Hulusi Akar və Azərbaycanın müdafiə naziri, general-polkovnik Zakir Həsənov daha sonra təlimlərdə istifadə olunan silahlara baxış keçiriblər.

“Report” xəbər verir ki, bu, Türkiyə Milli Müdafiə Nazirliyinin görüntülərində öz əksini tapıb.

Nazirlərlə yanaşı, Azərbaycan müdafiə nazirinin müavini - Əlahiddə Ümumqoşun Ordu Komandanı, general-polkovnik Kərəm Mustafayev də silahları nəzərdən keçirib.

Daha sonra rəsmilər təlimlərin xəritəsi ilə tanış olublar.

Qeyd edək ki, fevralın 1-də Qars şəhərində "Qış təlimi-2021" adlı Türkiyə-Azərbaycan birgə təlimləri başlayıb. Z.Həsənov təlimləri izləmək üçün bu şəhərə gedib. Bu gün Z.Həsənov və türkiyəli həmkarı Hulusi Akar təlimlərin Müşahidəçi günündə iştirak ediblər. Fevralın 12-də başa çatacaq təlimlərin məqsədi birgə əməliyyatların keçirilməsi vaxtı hərəkətlərin koordinasiyasını təmin etmək, həmçinin yeni silahlandırılmanı və nəqliyyat vasitələrini sınaqdan keçirməkdir.

Millî Savunma Bakanı Hulusi Akar ve Azerbaycan Savunma Bakanı Org. Zakir Hasanov ile TSK Komuta Kademesi’nin “Seçkin Gözlemci Günü”ne iştirak ettiği Kış-2021 Tatbikatı’ndan görüntüler.https://t.co/FJrpebs8Bu#MSB #TSK #KIŞ2021 pic.twitter.com/LszsMImBDN

— T.C. Millî Savunma Bakanlığı (@tcsavunma) February 11, 2021