Azərbaycan stendi "IDEX-2015" sərgisinə gələnlərin böyük marağına səbəb olub

Azərbaycan stendi "IDEX-2015" sərgisinə gələnlərin böyük marağına səbəb olub Azərbaycan nümayəndə heyəti xarici şirkətlərlə bir sıra görüşlər keçirib
Hərbi
204
23 Fevral , 2015 14:05
Azərbaycan stendi IDEX-2015 sərgisinə gələnlərin böyük marağına səbəb olub

Abu-Dabi. 23 fevral. REPORT.AZ/ Birləşmiş Ərəb Əmirliklərinin paytaxtı Abu-Dabidə "IDEX-2015" beynəlxalq müdafiə texnikası sərgisinin II günüdür. "Report" xəbər verir ki, Azərbaycan Müdafiə Sənayesi Nazirliyinin (MSN) stendi sərgiyə gələnlərin böyük marağına səbəb olub.

Belə ki, Ukrayna, Pakistan, Böyük Britaniya, BƏƏ, Səudiyyə Ərəbistanı və digər ərəb ölkələrindən nümayəndə heyətləri Azərbaycanda istehsal olunan texnikaya böyük maraq göstəriblər. Xüsusilə də "İstiqlal", "Yalquzaq" snayper tüfəngləri, "Zəfər" tapançası, eləcə də döyüş sursatı maraq doğurub. Həmçinin MSN yeniliyi olan 5,56x45 mm kalibrli EM-14 avtomatı diqqəti cəlb edib. 

Bundan başqa, nazir Yavər Camalovun rəhbərlik etdiyi MSN nümayəndə heyəti digər ölkələrin nümayəndə heyətləri ilə də bir sıra görüşlər keçirib. BƏƏ nümayəndə heyəti ilə danışıqlar aparılıb. 

Azərbaycan nümayəndə heyəti Sudanın milli stendinə, CAR, Ukrayna, Pakistan, Türkiyədən olan şirkətlərin stendlərinə baş çəkib. Azərbaycan nümayəndə heyəti bu şirkətlərin yenilikləri ilə tanış olub, əməkdaşlıq perspektivlərini müzakirə edib. 

Son xəbərlər

Orphus sistemi