Bakı. 14 noyabr. REPORT.AZ/ Azərbaycanın Zaqatala rayonunda qəza baş verib. Baş Dövlət Yol Polis İdarəsindən (BDYPİ) "Report"a verilən məlumata görə, qəza noyabrın 13-də, axşam saatlarında Yevlax-Zaqatala-Gürcüstan magistral yolunun 134-cü kilometrliyində qeydə alınıb.
Zaqatala rayon sakini Məmmədov Telman Sabir oğlunun idarə etdiyi "VAZ 21-102" markalı avtomobil Balakən rayonu istiqamətində hərəkətdə olarkən qarşıdan gələn, rayon sakini Məmmədov Etibar Məhəmməd oğlunun idarə etdiyi "Toyota" markalı avtomobillə toqquşub. Nəticədə "VAZ 21-102" yoldan çıxaraq dərəyə aşıb. Sürücü Telman Məmmədov və avtomobildə olan digər sərnişinlər, sürücünün atası - 57 yaşlı Sabir Məmmədov və anası 56 yaşlı Zərqələm Məmmədova müxtəlif dərəcəli bədən xəsarətləri alıblar. Onlar dərhal xəstəxanaya çatdırılıblar.
Qəza ilə BDYPİ-də araşdırma başlanılıb.
![](https://static.report.az/photo/04ece53f-6fd0-429d-929f-f88a4c755b7e_300.jpg)
![](https://static.report.az/photo/884d4601-beda-49af-ac8d-4f51cff00d04_300.jpg)