Zaqatalada yol qəzası baş verib, xəsarət alanlar var

Zaqatalada 3 nəfərin xəsarət alması ilə nəticələnən yol qəzası olub.

"Report"un Şimal-qərb bürosunun məlumatına görə, qəza Zaqatala-Muğanlı avtomobil yolunun Aşağı Tala kəndindən keçən hissəsində qeydə alınıb.

Belə ki, mikroavtobusla "Niva" markalı avtomobillərin toqquşması nəticəsində Muğanlı kənd sakinləri - 1994-cü il təvəllüdlü Əliyev Yusif Bayram oğlu, 1987-ci il təvəllüdlü Qurbanov Səxavət Qəhrəman oğlu və 2014-cü il təvəllüdlü Dəmirov Ziya Saleh oğlu xəsarət alıblar.

Yaralılar Zaqatala Rayon Mərkəzi Xəstəxanasına çatdırılıblar.

Faktla bağlı Zaqatala Rayon Polis Şöbəsində araşdırma aparılır.