Yük avtomobili piyadanı vurub öldürdü

Yevlax rayonunda piyadanın ölümü ilə nəticələnən yol-nəqliyyat hadisəsi baş verib.

“Report”un Qərb Mərkəzinin məlumatına görə, hadisə rayonun Aran-1 qəsəbəsində qeydə alınıb.

Qəsəbə ərazisində rayon sakini, 1977-ci il təvəllüdlü Fikrət Sabir oğlu Sultanovu yük avtomobili vurub.

Piyada hadisə yerində ölüb.

Baş İstintaq və Təhqiqat İdarəsi tərəfindən araşdırma aparılır.