Yol polisi piyadaları qaranlıq vaxtı əlvan və işıqqaytarıcı elementləri olan geyimlərdən istifadə etməyə çağırıb

Baş Dövlət Yol Polisi İdarəsi (BDYPİ) piyadalara müraciət edib.

İdarədən "Report"a verilən məlumatda bildirilib ki, piyadalar sutkanın qaranlıq vaxtında yola çıxarkən imkan daxilində əlvan, xüsusilə də işıqqaytarıcı elementləri olan geyimlərdən istifadə etsinlər.

"Gecə vaxtı işıqlandırılmayan yol sahələrində qara geyimli piyadanı sürücü görmür. Nəticədə yol nəqliyyat hadisəsinin baş verməsi qaçılmaz olur. Piyadalardan da xahiş olunur ki, sutkanın qaranlıq vaxtında yola çıxarkən imkan daxilində əlvan, xüsusilə də işıqqaytarıcı elementləri olan geyimlərdən istifadə etsinlər", - müraciətdə qeyd edilib.