Yevlaxda 93 min manat dələduzluq edən şəxsin məhkəməsi başlayır

Yevlax rayonunda külli miqdarda dələduzluqda təqsirləndirilən Fərman Paşayevin cinayət işi üzrə ibtidai istintaq başa çatıb.

“Report” xəbər verir ki, Şəki Ağır Cinayətlər Məhkəməsinə göndərilən iş hakim Nahid Mirzəyevin icraatına verilib.

Qeyd edək ki, Yevlax şəhər sakini 1973-cü il təvəllüdlü F.Paşayev həmyerlisi Elmira Sadıqovaya məxsus 11 min manat pulu və təkrarən onun qardaşı Əkbər İsmayılova məxsus 81 min 900 manat məbləğində pulu onların etibarından istifadə edərək dələduzluq yolu ilə qəsdən ələ keçirməkdə ittiham edilir.

F.Paşayevə Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham verilib və barəsində məhkəmənin qərarı ilə həbs qətimkan tədbiri seçilib.