Yasamalda gənc oğlana 6 bıçaq zərbəsi vurulub

Bakı. 4 yanvar. REPORT.AZ/ Bakının Yasamal rayonunda bıçaqlanma hadisəsi baş verib.

"Report" xəbər verir ki, 1991-ci il təvəllüdlü Süleymanov Fərid Rafiq oğlu Mətbuat prospektində "Tri Korona" kimi tanınan binanın qarşısında, hələlik ad və soyadı məlum olmayan şəxslə əlbəyaxa dava edib.

Bu zaman F. Süleymanovun boyun və bədən nahiyəsinə ümumilikdə 6 bıçaq zərbəsi vurulub. Yaralı taksi sürücüsünün köməkliyi ilə 1 saylı Kliniki Tibbi Mərkəzə yerləşdirilib.

Faktla bağlı Yasamal Rayon Polis İdarəsində araşdırmalara başlanılıb.