Yasamalda ağaclar kəsilib, iş hüquq-mühafizə orqanlarına göndəriləcək

Bakının Yasamal rayonunun Mirəli Seyidov küçəsi, 1 ünvanında bir neçə ağac kəsilib.

Bu barədə “Report”a Dövlət Ekoloji Təhlükəsizlik Xidmətindən bildirilib.

Bildirilib ki, faktla bağlı akt tərtib olunub və təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi məqsədilə toplanmış sənədlər hüquq-mühafizə orqanlarına göndərilməsi üçün hazırlanır.