Xızıda yolu keçən piyadanı avtomobil vurub öldürüb

Bakı-Quba yolunda piyadanın ölümü ilə nəticələnən yol nəqliyyat hadisəsi baş verib.

“Report”un yerli bürosu məlumat verir ki, hadisə yolun Xızı rayonunun Giləzi qəsəbəsindən keçən hissəsində qeydə alınıb.

Avtomobil yolu keçmək istəyən 1983-cü il təvəllüdlü Elşən Baba oğlu Əzizovu vurub. Piyada hadisə yerində keçinib.

Faktla bağlı araşdırma aparılır.