XİN: Azərbaycan tərəfi Rusiyada təyyarə qəzası zamanı ölən azərbaycanlının kimliyini araşdırır

Bakı. 11 fevral. REPORT.AZ/ Azərbaycan tərəfi Rusiyada qəzaya uğramış "An-148" təyyarəsinin sərnişinləri arasında bir azərbaycanlının olması xəbərinə münasibət bildirib.

Xarici İşlər Nazirliyinin mətbuat xidmətinin rəhbəri Hikmət Hacıyev hadisə ilə əlaqədar "Report"a verdiyi açıqlamasında bildirib ki, hazırda həlak olduğu ehtimal edilən azərbaycanlının kimliyinin dəqiqləşdirilməsi istiqamətində müvafiq addımlar atılır:

"Qəzada bir azərbaycanlının öldüyü barədə məlumat var. XİN aidiyyəti dövlət qurumları ilə birgə Azərbaycan vətəndaşı olduğu ehtimal edilən şəxsin kimliyinin müəyyən edilməsi istiqamətində müvafiq addımlar atır".