Xəzərdə naməlum kişi meyiti tapılıb, yaxınları axtarılır - FOTO

Pirallahı rayonu Dübəndi bağlar massivində Xəzər dənizinin sahilində 40-50 yaşlarında naməlum kişi meyiti tapılıb.

Daxili İşlər Nazirliyindən "Report"a verilən məlumata görə, onun Xəzər dənizinin nəzarətsiz zonasında çimərkən boğulduğu ehtimal edilir.

Aşkar edilən meyit arıq bədən quruluşlu, boyu 170 santimetr və gözlərinin rəngi qəhvəyidir.Aşkar olunan zaman meyitin üzərində heç bir zorakılıq əlamətləri aşkar edilməyib.

Qeyd edək ki, bu şəxsi tanıyanlardan Nəqliyyatda Baş Polis İdarəsi Su Nəqliyyatında Polis İdarəsinin 012-433-38-12 və 012-433-38-02 nömrələri ilə əlaqə saxlayaraq məlumat vermələri xahiş edilir.