Yuxarı

Xaçmazda velosiped və toyuq oğurlamaqda təqsirləndirilən keçmiş məhkumun məhkəməsi başlayıb

Xaçmazda velosiped və toyuq oğurlamaqda təqsirləndirilən keçmiş məhkumun məhkəməsi başlayıb

25

Məhkəmənin baxış iclası oktyabrın 25-nə təyin edilib

Bakı. 19 oktyabr. REPORT.AZ/ Bu gün Bakı Ağır Cinayətlər Məhkəməsində oğurluqda təqsirləndirilən Asəf Nəbiyevin cinayət işi üzrə məhkəmə iclası başlayıb.

"Report"un məlumatına görə, hakim Şəkər Məmmədovanın sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası oktyabrın 25-nə təyin edilib.

Qeyd edək ki, bu il may ayının 12-də Xaçmaz rayonunda silsilə oğurluqlar etməkdə şübhəli bilinən A.Əliyev saxlanılıb. Xaçmaz Rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində onun törətdiyi digər oğurluq faktlarının da üstü açılıb.

Belə ki, Xaçmaz şəhər sakini Zeynalov Zaur Seyfəddinoviç polisə müraciət edərək ona məxsus mağazadan ümumi dəyəri 231 manat olan 33 ədəd toyuğun oğurlandığını bildirib.

Həmin gün Xaçmaz rayonunun Köhnə Xaçmaz kənd sakini Seyidəliyev Mübariz Seyidbala oğlunun da velosipedi oğurlanıb.

Hər iki faktla bağlı aparılan araşdırma nəticəsində hadisənin Köhnə Xaçmaz kənd sakini Asəf Bəybala oğlu Nəbiyev tərəfindən törədildiyi müəyyənləşib.

Onun barəsində Cinayət Məcəlləsinin 177-ci (oğurluq) maddəsi ilə cinayət işi açılıb. Daha sonra məhkəmənin qərarı ilə A.Nəbiyevin barəsində polis nəzaərti altında qətimkan tədbiri seçilib.

Xatırladaq ki, A.Nəbiyev daha əvvəllər də məhkumluq həyatı yaşayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi