Yuxarı

Xaçmazda qətl törətməkdə şübhəli bilinən şəxs tutulub

Onun barəsində cinayət işi açılıb

Xaçmaz. 17 oktyabr. REPORT.AZ/ Xaçmaz rayonunda qətl törətməkdə şübhəli bilinən şəxs tutulub. Bu barədə "Report"a Xaçmaz Rayon Prokurorluğundan məlumat verilib.
Bildirilib ki, rayonun Arzu kəndi ərazisində 1972-ci il təvəllüdlü İlqar Məmmədəli oğlu Novruzovu öldürməkdə şübhəli bilinən Gündüz Əli oğlu Məhərrəmov tutulub.
G.Məhərrəmov barəsində Cinayət Məcəlləsinin 120-ci (qəsdən adam öldürmə) maddəsi ilə cinayət işi açılıb, faktla bağlı araşdırmalara başlanılıb. 

Xatırladaq ki, İ.Novruzov həmyerlisi G.Məhərrəmov tərəfindən bıçaqlanıb. Yaralı dərhal Xaçmaz Rayon Mərkəzi Xəstəxanasına (RMX) çatdırılsa da onun həyatını xilas etmək mümkün olmayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi