Xaçmaz. 30 iyun. REPORT.AZ/ Xaçmaz rayonunda naməlum kişi meyiti tapılıb. "Report"un Şimal bürosunun məlumatına görə, meyit rayonun Mehrəliqışlaq kəndi ərazisində meyvə bağlarında aşkar edilib. Kənd sakinlərinin məlumatı əsasında Xaçmaz rayon Polis Şöbəsinin (RPŞ) əməkdaşları hadisə yerinə baxış keçiriblər. Meyit müayinə olunmaq üçün Səhiyyə Nazirliyinin Məhkəmə - Tibbi Ekspertiza və Patoloji Anatomiya Birliyinin Xaçmaz rayon Şöbəsinə gətirilib. 
Faktla bağlı Xaçmaz Rayon Prokurorluğunda araşdırmalara başlanılıb.