Xaçmazda meyiti aşkarlanan qadının kimliyi məlum olub - YENİLƏNİB

Xaçmaz rayonunun Yergüc kəndində yaşadığı evdə meyiti tapılan şəxsin kimliyi məlum olub.

"Report"un Şimal bürosu xəbər verir ki, üzərində zorakılıq əlamətləri olan 1958-ci il təvəllüdlü Səfurə Əlişah qızı Balacayevanın meyiti yaşadığı evdə aşkarlanıb.

Onun baş nahiyəsindən vurularaq qətlə yetirildiyi ehtimal edilir.

Hadisə yerinə hüquq-mühafizə orqanlarının əməkdaşları cəlb olunub və meyit tibbi ekspertizaya aparılıb.

Faktla bağlı araşdırma aparılır.

23:06

Xaçmazda evdə qadın meyiti aşkarlanıb.

"Report"un Şimal bürosunun məlumatına görə, hadisə rayonun Yergüc kəndində qeydə alınıb.

Meyiti aşkarlanan orta yaşlı qadının şəxsiyyəti müəyyənləşdirilir.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.