Xaçmazda avtomobillərin toqquşması nəticəsində 4 nəfər xəsarət alıb

Gəndob-Xaçmaz-Yalama avtomobil yolunun 35-ci km-də, Xaçmaz rayonunun Nərəcən kəndindən keçən hissəsində 4 nəfərin xəsarət alması ilə nəticələnən yol-nəqliyyat hadisəsi baş verib.

“Report”un Şimal bürosunun məlumatına görə, "VAZ-21099" markalı minik avtomobili hərəkətdə olarkən "Qaz-3110" markalı nəqliyyat vastəsilə toqquşub.

Hadisə nəticəsində 1997-ci il təvəllüdlü Novruzov Alim Əlirza oglu, 1998 -ci il təvəllüdlü Novruzova Gülyanə Tahirmirzə qızı, 1971-ci il təvəllüdlü Qənbərova Hicran Nurbaba qızı və 1967-ci il təvəllüdlü Qənbərov Canpolad Cavanşir oğlu müxtəlif dərəcəli xəsarətlər alıblar.

Yaralılar təcili tibbi yardım biriqadasının köməkliyi ilə Xaçmaz Rayon Mərkəzi Xəstəxanasına aparılıblar.

Hadisənin təfərrüatı araşdırılır.