Xaçmazda ağır yol qəzasında ölənlərin sayı üç nəfərə çatıb - YENİLƏNİB-2

Xaçmazda avtomobilin körpüdən aşaraq çayın dərəsinə düşməsi nəticəsində ölənlərin sayı artıb.

“Report”un Şimal bürosunun məlumatına görə, hadisə Gəndob-Xaçmaz-Yalama avtomobil yolunun Xaçmaz şəhərinin giriş hissəsində qeydə alınıb.

Belə ki, yüksək sürətlə hərəkətdə olan “BMW” markalı minik avtomobili Ağçayın üzərindəki körpünün məhəccərini qıraraq çay dərəsinə düşüb.

Qəza nəticəsində avtomobilin sürücüsü 1991-ci il təvəllüdlü Bayramov Vüsal Tahir oğlu, sərnişinlər 1983-cü il təvəllüdlü Mənsumov Samir Pirverdi oğlu və Anar Məmmədov hadisə yerində həlak olublar.

Hadisə zamanı avtomobildə digər şəxslərin olub-olmadığını müəyyən etmək məqsədi ilə qəza baş verən ərazidə axtarış işləri davam etdirilir.

Xaçmazda avtomobilin körpüdən aşaraq çaya düşməsi nəticəsində ölən şəxslərin adları məlum olub.

“Report”un Şimal bürosunun məlumatına görə, “BMW” markalı minik avtomobilinin körpüdən aşaraq “Ağçay” çayına düşməsi nəticəsində sürücü 1991-ci il təvəllüdlü Bayramov Vüsal Tahir oğlu və onun sərnişini 1983-cü il təvəllüdlü Mənsumov Samir Pirverdi oğlu dünyasını dəyişiblər.

Hadisə ilə bağlı araşdırma aparılır.

Xaçmaz rayonunda yol qəzası baş verib.

“Report”un Şimal bürosunun məlumatına görə, “BMW” markalı minik avtomobili rayon ərazisindən keçən “Ağçay” çayına düşüb.

İlkin məlumata görə, minik avtomobilində olan iki nəfər dünyasını dəyişib.

Hazırda onların kimliyi dəqiqləşdirilir.

Faktla bağlı araşdırma aparılır.