Xaçmazda 82 yaşlı qadının meyiti tapılıb

Xaçmaz şəhərində 82 yaşlı qadının hamam otağında meyiti tapılıb.

“Report”un Şimal bürosunun məlumatına görə, hadisə şəhərin Qaqarin küçəsində baş verib.

Belə ki, 1941-ci il təvəllüdlü Şərifova Məleykə Arzuman qızının meyiti yaşadığı mənzilin hamam otağında aşkar olunub.

Onun dəm qazından öldüyü ehtimal edilir.

M.Şərifovanın meyiti müayinə olunmaq üçün Səhiyyə Nazirliyinin Məhkəmə - Tibbi Ekspertiza və Patoloji Anatomiya Birliyinin Xaçmaz rayon Şöbəsinə təhvil verilib.

Faktla bağlı araşdırılma aparılır.