Xaçmazda 12 yaşlı oğlan süni göldə batıb - YENİLƏNİB

Xaçmaz. 19 sentyabr. REPORT.AZ/ Xaçmaz rayonunun Qobuqıraq kəndində süni göldə batdığı ehtimal edilən 2006-cı il təvəllüdlü Osmanov Hüseyn Elnur oğlunun axtarışları başa çatıb.

"Report"un Şimal bürosu xəbər verir ki, H.Osmanovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.

Faktla bağlı araşdırmalar davam etdirilir.

*** 17:12

Xaçmaz. 19 sentyabr. REPORT.AZ/ Xaçmaz rayon sakini göldə batıb. 

"Report"un Şimal bürosu xəbər verir ki, rayonunun Qobuqıraq kəndində göldə bir nəfərin batdığı ehtimal olunur. 

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.