Yuxarı

​Uşaqları daşıyan azərbaycanlı qəzaya düşüb: ölən və yaralananlar var - FOTO

Sürücü və iki uşaq dünyasını dəyişib

Bakı. 11 aprel. REPORT.AZ/ Bu gün səhər saatlarında Rusiyanın Leninqrad vilayətində Azərbaycan vətəndaşının iştirakı ilə ağır yol qəzası baş verib.

“Report” Rusiya mətbuatına istinadən xəbər verir ki, hadisə nəticəsində “Mercedes Sprinter” markalı mikroavtobus ilə “Scania” markalı yük maşını toqquşub.

Mikroavtobus Anisimovski qəsəbəsində yerləşən uşaq evinə məxsus olub. Hadisə nəticəsində sürücü və 15-16 yaşlarında iki oğlan uşağı həyatını itirib. Doqquzu uşaq olmaqla daha 10 nəfər xəsarət alıb.

KİV-in azərbaycanlı kimi təqdim etdiyi 42 yaşlı avtobus sürücüsünün əvvəllər 82 dəfə yol hərəkəti qaydalarını pozduğu bildirilir.

Faktla bağlı cinayət işi qaldırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi