Yuxarı

Ukraynada iki Azərbaycan vətəndaşı həbs cəzasına məhkum edilib

Kiyev məhkəməsi onları xuliqanlıqla hücumetmə və qaçırma maddələri üzrə təqsirkar bilib

Bakı. 9 dekabr. REPORT.AZ/ Kiyev şəhər Obolon rayon məhkəməsi Maydan iştirakçılarına qarşı cinayətə görə iki Azərbaycan vətəndaşını həbs cəzasına məhkum edib.

"Report" Ukrayna Baş Prokurorluğunun rəsmi saytına istinadən xəbər verir ki, məhkəmə onları bir qrup şəxs tərəfindən törədilən xuliqanlıq, bədən xəsarətləri yetirmək, zərərçəkmiş şəxsin həyatı və ya sağlamlığı üçün təhlükəli olmayan zorakılıq, adam oğurluğu, zərəçəkənə fiziki əzab vermək və ölümlə hədələmə maddələri üzrə təqsirkar bilib.

Nəticədə həbs edilənlərdən birinə 4 il iş verilib, digəri 3 ili sınaq müddəti olmaqla, 4 il azadlıqdan məhrumetmə cəzası alıb.

Baş Prokurorluğun məlumatına görə, bu şəxslərin 2014-cü ilin yanvarında bir qrup cinayətkar dəstənin tərkibində vətəndaşa hücum etmələri, ona bədən xəsarətləri yetirmələri və bundan sonra onun şəxsi əmlakına sahib çıxmaları müəyyənləşib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi