Bakı. 28 dekabr. REPORT.AZ/ Bu gün axşam saat 21:30 radələrində Ucar rayonunun mərkəzi bazarında yanğın baş verib.
"Report" xəbər verir ki, alov qısa müddət ərzində geniş ərazini əhatə edib.
Hadisə yerinə Ucar Dövlət Yanğından Mühafizə Xidməti və hüquq-mühafizə orqanlarının əməkdaşları cəlb olunub.
Hazırda yanğın nisbətən məhdudlaşdırılıb. Ətrafda olan evlər yanğından mühafizə olunub.
Hadisəyə ilkin səbəb kimi elektrik naqillərində baş verən qısa qapanma göstərilir. Faktla bağlı araşdırma aparılır.
![](https://static.report.az/photo/162c59ab-7e89-4a87-8709-1d4169c3572f_300.jpg)
![](https://static.report.az/photo/58147ab2-a212-4f15-b4c4-a226548a8ae1_300.jpg)