Ucarda ağır yol qəzası olub, xəsarət alan var

Ucar rayonunda yol qəzası baş verib.

“Report”un Yuxarı Şirvan bürosu xəbər verir ki, hadisə Bakı-Qazax yolunun rayonun Təzə Şilyan kəndindən keçən hissəsində qeydə alınıb.

Belə ki, “VAZ-2106” markalı avtomobillə “Toyota” markalı avtomobil toqquşub.

Nəticədə Ucar sakini, 53 yaşlı Talıbov Mürvət Namət oğlu müxətlif növ bədən xəsarətləri alıb.

Yaralı Kürdəmir rayon Mərkəzi Xəstəxanasına aparılıb, həkim nəzarətinə götürülüb. Fakt araşdırılır.