Tovuzda yol qəzası baş verib, xəsarət alan var

Tovuz. 22 yanvar. REPORT.AZ/ Tovuz rayonunda bir nəfərin xəsarət alması ilə nəticələnmiş yol qəzası baş verib.

"Report"un qərb bürosu xəbər verir ki, hadisə axşam saatlarında, Qovlar ərazisindəki istirahət parkının qarşısında baş verib.

Markası hələlik məlum olmayan iki avtomobilin toqquşması nəticəsində rayon sakini, 34 yaşlı Xəyal Qəhrəmanov xəsarət alıb. O, ətrafdakıların köməyi ilə Tovuz Rayon Mərkəzi Xəstəxanasına çatdırılıb.

Yaralının vəziyyətinin orta ağır olduğu bildirilir. 

Faktla bağlı araşdırma aparılır.