Tovuzda mübahisə edən iki şəxs bir-birinə xəsarət yetirib

Tovuz rayonunda mübahisə zəminində iki nəfər xəsarət alıb.

"Report"un Qərb Mərkəzinin məlumatına görə, hadisə Qovlar şəhərində qeydə alınıb.

Belə ki, 1977-ci il təvəllüdlü Şaban Həsənovla həmyaşıdı və həmyerlisi Rəhim Qasımov arasında mübahisə yaranıb. Bu zaman R.Qasımov Ş.Həsənova küt alətlə, sonuncu isə öz növbəsində ona bıçaqla xəsarət yetirib. Onların hər ikisi xəstəxanaya yerləşdirilib. Xəsarət alanların vəziyyətləri kafi qiymətləndirilir.

Faktla bağlı araşdırma aparılır.