Tovuz. 26 mart. REPORT.AZ/ Tovuz rayonunda 87 yaşlı qadın pilləkəndən yıxılaraq ağır xəsarət alıb.
"Report"un Qərb bürosunun məlumatına görə, hadisə axşam saatlarında, rayonun Dondar Quşçu kəndində baş verib.
Kənd sakini, 1930-cu il təvəllüdlü Yüsibova Bulu Həmid qızı yaşadığı evin pilləkənindən yıxılıb.
Yaşlı qadın yaxınlarının köməyi ilə xəstəxanaya aparılıb. Dərhal həkimlər tərəfindən tibbi yardım göstərildikdən sonra travmatologiya şöbəsinə yerləşdirilən yaralının vəziyyətinin orta-ağır olduğu bildirilir.
Faktla bağlı araşdırma aparılır.