Tovuz. 25 avqust. REPORT.AZ/ Tovuz rayonunda 67 yaşlı qadını avtomobil vurub.
"Report"un Qərb bürosunun məlumatına görə, hadisə Tovuz Rayon Mərkəzi Xəstəxanasının qarşısında qeydə alınıb.
Belə ki, Tovuz rayonunun Aşağı Öysüzlü kənd sakini, 1950-ci il təvəllüdlü Cəmilə Tapdıq qızı İsmayılova yolu keçərkən naməlum avtomobil tərəfindən vurulub. Qəzanı törədən sürücü hadisə yerindən qaçıb. Yaralı xəstəxanaya çatdırılıb, vəziyyəti orta-ağır olaraq qiymətləndirilir.
Faktla bağlı araşdırma aparılır.