Tərtərdə tanışını qətlə yetirməkdə təqsirləndirilən şəxsin məhkəməsi başlayır

Tərtərdə qətl törətməkdə təqsirləndirilən İlkin Nəzərovun məhkəmə iclası başlayır.

"Report" xəbər verir ki, cinayət işinin ibitidai istintaqı başa çatıb və baxılması üçün Gəncə Ağır Cinayətlər Məhkəməsinə göndərilib.

İş hakim Roman Ələkbərlinin icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, hadisə bu ilin fevralında Tərtərdə qeydə alınıb.

Belə ki, 2004-cü il təvəllüdlü İ.Nəzərov şəxsi münasibətlər zəminində aralarında yaranmış münaqişə zamanı 2001-ci il təvəllüdlü Elgün Qurbanlını bıçaqlayaraq qətlə yetirib.

Daha sonra İ.Nəzərov saxlanılaraq istintaqa təhvil verilib.

Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.