“Təmiz Şəhər” ASC-nin zavodunda tullantılar arasından 100 kq-a yaxın qəpik yığılılıb - FOTO

“Təmiz Şəhər” ASC-nin zavodunda tullantılar arasından 100 kq-a yaxın qəpik yığılılıb - FOTO Yığılmış vəsaitlə kimsəsiz uşaqlar evinə hədiyyələr alınacaq
Hadisə
107
11 Sentyabr , 2015 10:02
“Təmiz Şəhər” ASC-nin zavodunda tullantılar arasından 100 kq-a yaxın qəpik yığılılıb - FOTO

Bakı. 11 sentyabr. REPORT.AZ/ “Təmiz Şəhər” ASC-nin Bərk Məişət Tullantılarının Çeşidlənməsi zavodunda (BMTÇZ) 100 kiloqrama yaxın qəpik yığılıb. Bu barədə “Report”a ASC-nin mətbuat xidmətindən məlumat verilib.

Əsasən 1, 3, 5, və 10 qəpiklərdən ibarət pulları zavod əməkdaşları son 6 ayda iş prosesi zamanı məişət tullantılarının arasında aşkar edərək toplayıb.

Yığılmış vəsaitlə kimsəsiz uşaqlar evinə hədiyyələr alınacaq. Bununla həm xırda qəpiklər dövriyyəyə qaytarılacaq, həm də xeyriyyə işi görüləcək. 2014-cü ildə də zavodda 60 kq-a yaxın qəpik yığılaraq, xeyriyyə məqsədi ilə xərclənib.

BMTÇZ-nin fəaliyyəti Bakıdan yığılmış tullantıları çeşidləməkdən ibarətdir. Şəhərdən toplanmış məişət tullantıları zavodda dəmir, plastik, kağız, şüşə və s. formada ayrılaraq xammal kimi təkrar emal müəssisələrinə göndərilir. Yığılan kütlə arasından bəzən tullantı olmayan əşyalar da tapılır. Metal qab-qacaq, müxtəlif növ sənədlər, bank kartları, silah-sursat və xırda pullar kimi. Onlar tullantıların arasından götürülərək aidiyyəti üzrə təhvil verilir və ya istifadə olunur.

Son xəbərlər

Orphus sistemi