Tanınmış məhkəmə hakimi vəfat edib

Bakı Ağır Cinayətlər Məhkəməsinin hakimi Fikrət Qəribov vəfat edib.

Bu barədə "Report"a onun yaxınları məlumat verib.

Qeyd olunub ki, 64 yaşlı hakimin dünyasını dəyişmə səbəbi, beyninə qan sızması olub.

Belə ki, tanınmış hakim işdən çıxaraq evə gedib və təxminən axşam saat 20 radələrində beyninə qan sızıb.

Yaxınları qeyd ediblər ki, F.Qəribov ürəyində yaranan problemlərə görə Türkiyədəki xəstəxanalardan birində əməliyyat olunmuşdu.

F.Qəribov bu gün Binə qəbiristanlığında torpağa tapşırılacaq.