Bakı. 11 iyun. REPORT.AZ/ Tailandda baş vermiş ağır yol qəzasında 11 nəfər yanaraq ölüb. 

"Report"un məlumatına görə, hadisə Çonburi vilayətində baş verib. Məlumata görə, sərnişin avtobusu yoldan çıxaraq aşıb.

İlkin ehtimala görə, qəzaya səbəb avtobusun təkərinin partlaması olub. Avtobus yoldan çıxaraq aşıb.

"On bir sərnişin avtobusdan çıxa bilməyib və maşın alışıb" – deyə vilayət polisi bildirib.

Qəza zamanı xəsarət almış 4 nəfər xəstəxanaya çatdırılıb. Bütün sərnişinlərin Tailand sakini olduğu bildirilir.