Yuxarı

Sürücü 1 saniyə fərqlə eyni radara iki dəfə düşüb, cərimə ikiqat tələb olunur - FOTO

Sürücü 1 saniyə fərqlə eyni radara iki dəfə düşüb, cərimə ikiqat tələb olunur - FOTO
Məsələyə DYP də münasibət bildirib

Bakı. 5 yanvar. REPORT.AZ/ Bakı sakini bir saniyə fərqlə eyni radara iki dəfə düşüb. Buna görə də həmin şəxsdən eyni cərimənin iki dəfə ödənilməsi tələb olunur.

"Report" xəbər verir ki, hadisə Bakı-Quba yolunun 138-ci kilometrliyində qeydə alınıb. 

Belə ki, Bakı şəhər sakini "Subaru-Forester" markalı avtomobillə hərəkətdə olan zaman "Yol hərəkəti haqqında" qanunun 50-ci maddəsinin tələbini pozaraq yolda müəyyən edilən hərəkət sürətinin həddini aşıb və radara düşüb. Sürücüyə eyni radardan 1 saniyə fərqi ilə inzibati xətalar haqqında protokol iki dəfə rəsmiləşdirilib və ünvanına göndərilib.

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev "Report"a açıqlamasında bildirib ki, sürücünün eyni radara 1 saniyə fərqi ilə düşməsi çox nadir hallarda baş verən texniki səhvdir: "Əgər belə bir hal baş veribsə və sürücünün eyni radara düşməsi ilə bağlı protokol iki dəfə rəsmiləşdirilibsə, həmin protokollardan birinə xitam verilir. Bunun üçün sürücü BDYPİ-yə müraciət etməlidir". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi