Suraxanıda yol qəzasında ağır xəsarət alan uşaq reanimasiyaya yerləşdirilib

Bakıda azyaşlının ağır xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, hadisə Suraxanı rayonunda qeydə alınıb. Avtomobil yolu keçən 2010-cu il təvəllüdlü Quliyev Xəyal Röyal oğlunu vurub.

Yaralı təcili tibbi yardımın köməkliyi ilə xəstəxanaya çatdırılıb və həkim nəzarətinə götürülüb.

Müayinə zamanı ona qapalı kəllə-beyin travması, sağ baldır sümüklərinin açıq yerdəyişən sınıqları və qarının küt travması diaqnozları qoyulub.

Azyaşlının vəziyyəti ağır olduğundan o, reanimasiya şöbəsinə yerləşdirilib.

Hadisənin təfərrüatı araşdırılır.