Sumqayıtda yollar qardan təmizlənir, duz-qum qarışığı səpilir

Sumqayıt şəhərində yollar qardan təmizlənir, duz-qum qarışığı səpilir.

Bu barədə "Report"a Sumqayıt Şəhər İcra Hakimiyyətindən məlumat verilib.

Bildirilib ki, Sumqayıt şəhərində hava şəraiti ilə əlaqədar nəqliyyat vasitələrinin təhlükəsiz və fasiləsiz hərəkətini təmin etmək məqsədilə bütün texnikalar səhər saatlarından başlayaraq təmizlik işlərinin aparılmasına cəlb edilib.

Qeyd olunub ki, şəhər ərazisindəki küçə və prospektlərdə səhər saatlarından başlayaraq iş aparılıb, yollar qardan təmizlənib, qum-duz qarışığı səpilib.

Məlumata görə, hazırda bu istiqamətdə işlər davam etdirilir və yollarda avtomobillərin hərəkəti üçün ciddi problem müşahidə olunmur.