FHN: "Sumqayıtda məişət tullantıları poliqonunda açıq alov mənbələri müşahidə olunmur" - YENİLƏNİB

Ötən gecə Fövqəladə Hallar Nazirliyinin (FHN) "112" qaynar telefon xəttinə Sumqayıt şəhəri, Bakı-Quba-Rusiya Federasiyası ilə dövlət sərhədi avtomobil yolunun 28-ci kilometrliyində yerləşən məişət tullantıları poliqonunda yanğın baş verməsi barədə məlumat daxil olub

Bu barədə "Report"un yerli bürosuna FHN-dən bildirilib.

Əraziyə FHN Dövlət Yanğından Mühafizə Xidmətinin qüvvələri cəlb olunub.

Hazırda havanın güclü küləkli olmasına baxmayaraq yanğınsöndürənlər tərəfindən tüstülənmə ocaqlarının söndürülüməsi istiqamətində tədbirlər davam etdirilir. Açıq alov mənbələri müşahidə olunmur.

Sumqayıtda Məişət Tullantıları Poliqonu yanır.

"Report" un yerli bürosu məlumat verir ki, yanğın 7 hektar ərazini əhatə edir.

Hadisə yerinə FHN-nin Dövlət Yanğından Mühafizə Xidmətinin əməkdaşları və texnikası cəlb olunub.

Yanğının söndürülməsi işləri davam etdirilir