Sumqayıtda intihara cəhdin qarşısı alınıb

Bakı. 22 yanvar. REPORT.AZ/ Sumqayıtda intihara cəhdin qarşısı alınıb.

"Report" Fövqəladə Hallar Nazirliyinin (FHN) saytına istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Sumqayıt şəhərində 1 nəfər kişi çoxmərtəbəli yaşayış binasının 16-cı mərtəbəsində eyvana çıxaraq intihar etmək istəyini nümayiş etdirib. 

Sumqayıt Regional Mərkəzinin müvafiq xilasetmə qüvvələri dərhal hadisə yerinə cəlb olunub. Xilasedicilər tərəfindən hadisə yerində müvafiq təhlükəsizlik tədbirləri görülüb. Vətəndaşla aparılmış psixoloji söhbətlər nəticəsində o, intihar etmək fikrindən daşınıb. 

Əməliyyat başa çatıb.