Sumqayıtda qadını qətlə yetirməkdə təqsirləndirilən şəxsin məhkəməsi başlayır

Sumqayıtda gənc qadını qətlə yetirməkdə təqsirləndirilən Xalid Əmənovun cinayət işi üzrə məhkəməsi başlayır.

"Report" xəbər verir ki, iş baxılması üçün Sumqayıt Ağır Cinayətlər Məhkəməsinə göndərilib və hakim Fəhmin Hümbətovun sədrliyi ilə araşdırılacaq.

Məhkəmənin hazırlıq iclasının vaxtı hələlik məlum deyil.

Qeyd edək ki, hadisə bu ilin mayında Sumqayıt şəhər 17-ci mikrorayon ərazisində baş verib.

Belə ki, 28 yaşlı X.Əmənov tanışı Ayşən Bayramovanı şəxsi münasibətlər zəminində boğaraq qətlə yetirib.

X.Əmənova qarşı Cinayət Məcəlləsinin 120.1-ci (Qəsdən adam öldürmə) maddəsi ilə ittiham irəli sürülüb.