Sumqayıt şəhərində avtomobildən oğurluq edilib.
“Report”un Sumqayıt-Abşeron bürosunun məlumatına görə, hadisə şəhərin 42-ci məhəlləsində, 9 saylı yataqxananın qarşısında qeydə alınıb.
Belə ki, Valid Kərimova məxsus "Niva Urban" markalı avtomobilin radiator barmaqlığı çıxarılaraq aparılıb. O, hadisədən səhər həyətə düşdükdən sonra xəbər tutub. Zərərçəkmiş hadisəni törədən şəxs və ya şəxslərin avtomobilin ön işıqlarını da oğurlamağa cəhd etdiklərini, ancaq buna nail olmadıqlarını bildirib. Nəticədə vətəndaşa, ümumilikdə, 200 manata yaxın maddi ziyan dəyib.
Məsələ ilə bağlı hüquq-mühafizə orqanlarına məlumat verilib.
Faktla bağlı araşdırma aparılır.