Sumqayıtda yol qəzasında ölən piyadanın şəxsiyyəti müəyyən edilib - YENİLƏNİB

Sumqayıt şəhərində gecə saatlarında "Vaz 2107" markalı avtomobilin vurduğu piyadanın şəxsiyyəti məlum olub.

"Report"un yerli bürosunun məlumatına görə, 1957-ci il təvəllüdlü Gülüstan Əhməd qızı Əhmədova yolu keçmək istəyərkən İntiqam Mirzəyevin idarə etdiyi “Vaz 2107” markalı avtomobil onu vurub.

Piyada hadisə yerində ölüb.

Faktla bağlı araşdırma aparılır.

Sumqayıt şəhərində piyadanın ölümü ilə nəticələnən yol-nəqliyyat hadisəsi baş verib.

"Report"un yerli bürosu məlumat verir ki, hadisə Heydər Əliyev prospektində qeydə alınıb.

"VAZ 2107" markalı avtomobil yolu keçən piyadanı vurub. Piyada aldığı xəsarətlərdən hadisə yerindəcə keçinib.

Faktla bağlı araşdırma aparılır.