Sumqayıtda avtomobil yanıb

Sumqayıt şəhərində minik avtomobilində yanğın baş verib.

“Report”un yerli bürosu məlumat verir ki, hadisə şəhərin 2-ci mikrorayon ərazisində qeydə alınıb.

Belə ki, 1981-ci il təvəllüdlü İsmayılov Sabir Cəfər oğluna məxsus “Toyota” markalı minik avtomobili anidən yanıb.

Əraziyə Fövqəladə Hallar Nazirliyi Dövlət Yanğından Mühafizə Xidmətinin qüvvələri cəlb olunub.

Yanğın söndürülüb, ətrafdakı maşınlara və tikililərə keçməsinin qarşısı alınıb.

Faktla bağlı araşdırma aparılır.