Sumqayıtda 85 yaşlı kişini avtomobil vuraraq öldürüb

Bakı. 17 fevral. REPORT.AZ/ Sumqayıtda 85 yaşlı kişini avtomobil vuraraq öldürüb.

"Report"un Daxili İşlər Nazirliyinin rəsmi saytına istinadən verdiyi məlumata görə, Sumqayıt şəhəri ərazisində şəhər sakini Balaoğlan Məmmədov idarə etdiyi "KİA" markalı avtomobillə yolu keçən şəhər sakini, 85 yaşlı Seyidağa İsmayılovu vurub. Piyada hadisə yerində ölüb.

Sumqayıt Şəhər Polis İdarəsi tərəfindən araşdırma aparılır.