Siyəzəndə broyler sexində yanğın olub

Bakı. 30 yanvar. REPORT.AZ/ Siyəzən rayonunun Beşdam kəndində (rayon mərkəzindən 12 km aralı) “Siyəzən” ASC-nin ərazisində ümumi sahəsi 1068 kv.m olan broyler sexinin döşəməsi 278 kv.m sahədə yanıb.

"Report" Fövqəladə Hallar Nazirliyinin rəsmi saytına istinadən xəbər verir ki, sexin qalan hissəsi yanğından mühafizə olunub. Yanğın saat 00:29-da yanğınsöndürənlər tərəfindən söndürülüb.