Şirvanda transformator, Saatlıda avtomobil yanıb

Şirvan şəhərində transformatorun yanar hissələri və 4 p.m çıxış kabeli yanıb. 

"Report"un Fövqəladə Hallar Nazirliyinin saytına istinadən verdiyi məlumata görə, yaxınlıqda olan tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

Saatlı rayonunun Hacıqasımlı kəndində isə "VAZ" markalı minik avtomobilinin yanar hissələri yanıb. Yaxınlıqdakı ağaclar yanğından mühafizə olunub. Yanğın yanğından mühafizə bölmələri tərəfindən söndürülüb.