Şirvanda avtomobil hasara çırpılıb, sürücü ölüb

Şirvanda qəza nəticəsində sürücü ölüb.

“Report”un Aran bürosunun məlumatına görə, hadisə şəhərin M. Aydınov küçəsində qeydə alınıb.

Belə ki, Şirvan şəhər sakini 2000-ci il təvəllüdlü Novruzlu vüqar Eldar oğlu idarə etdiyi “VAZ-2106” markalı avtomobillə hərəkətdə olarkən anidən idarəetməni itirib, yaxınlıqdakı hasara çırpılıb.

Qəza nəticəsində müxtəlif dərəcəli ağır bədən xəsarətləri alan sürücü Şirvan Şəhər Mərkəzi Xəstəxanasına çatdırılsa da, həyatını xilas etmək mümkün olmayıb.

Faktla bağlı araşdırma aparılır.