Şirvan şəhərində maskalı şəxslər evə basqın edib

Bakı. 10 dekabr. REPORT.AZ/ Şirvan şəhərində maskalı şəxslər evə basqın edib. "Report" Daxili İşlər Nazirliyinin (DİN) rəsmi saytına istinadən xəbər verir ki, Şirvan şəhərində Maya Mirzəyevanın yaşadığı evə qapını sındırmaq yolu ilə girən 3 maskalı şəxs onu və qızı Sevinci bıçaqla hədələyərək evdən qızıl əşyalar götürüb hadisə yerini tərk edib. Şirvan Şəhər Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədənlərdən biri - şəhər sakini İsrail Vəliyev tutulub. Cinayətin iştirakçısı olan digər şəxslərin də tutulması üçün tədbirlər davam etdirilir.